Туган Як
  • Рус Тат Чув
  • Балаларны яклау көнендә Чүпрәледә 12 нче спорт мәйданчыгы ачылды

    Физкультура һәм спорт белән шөгыльләнү буенча Яңа Элмәле авылы яшьләре иң активлардан санала. Район күләмендә узган теләсә нинди ярышларда да әлеге авыл мәктәбе командалары призлы урыннар яулый.

    Урта мәктәп ишек алдында район башлыгы Александр Шадриковны чәчәкләр, шарлар тоткан укучылар һәм укытучылар кул чабып каршы алды. Бүген алар өчен икеләтә бәйрәм. Беренчесе- балаларны Халыкара яклау көне булса, икенчесе монда- мәктәп янында ук бүген спорт мәйданчыгын файдалануга тапшырачаклар. Балаларга ул бәйрәм уңаеннан менә дигән бүләк булды. "Сез әлеге спорт мәйданчыгына бик лаек. Мондагы яшьләр сәламәт яшәү рәвеше алып баралар, кече яшьтән үк спортка тартылалар. Нык, сәламәт булып үсегез, Ватанның патриотлары булыгыз!",- диде спорт мәйданчыгын ачу тантанасына килгән Александр Валерьевич. Балаларның Россия һәм Татарстан дәүләт Гимнарын оста башкарулары да башлыкка бик ошады. Ал тасманы кисү өчен дә ул капка янына ясле- бакчада тәрбияләнүче Кристина Карсакованы чакырды. Аннан соң кунаклар мәйданчыкка үтте. Яңа Элмәле авылы җирлеге башлыгы Наил Шихранов та әлеге бүләк өчен барлык ата- аналар һәм яшьләр исеменнән республика һәм район җитәкчеләренә, "Бердәм Россия" партиясенә ихлас рәхмәтләрен әйтте.

    Соңгы берничә елда гына да районда шушындый унбер спорт мәйданчыгы төзелгән иде, монысы уникенче. Алдагы көннәрдә тагын дүрт спорт мәйданчыгы файдалануга тапшырылачак. Монда уннан артык спорт төре белән шөгыльләнергә мөмкин. "Мәктәптә 93 бала укый, башка предметлар белән берүк дәрәҗәдә физкультура дәресенә дә нык игътибар бирәбез. Чөнки сәламәт бала гына яхшы укый, тәртипле һәм чын кеше булып үсә ала. Аннан соң егетләребез армия сафларында да хезмәт итәргә тиеш бит. Спорт белән үскән егетләр генә анда чын солдат була ала",- ди мәктәп директоры Владимир Мискин. Әлеге мәйданчыкны төзүче "Тепловик" җәмгыяте коллективына да рәхмәт сүзләре әйтелде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: