2012 ел-тарихи-мәдәни мирас елы

Шул рәвешле Татарстан Республикасы Президенты Рөстәм Миңнеханов Указы нигезендә 2012 ел-республиканың тарихи-мәдәни мирасы елы дип игълан ителде. Ел дәвамында тарихи һәм рухи традицияләргә, мәдәният һәм телне саклау, үстерү мәсьәләләренә җәмәгатьчелек игътибарын җәлеп итүгә, мәдәни мирас объектларын торгызуга зур әһәмият биреләчәк.

Татарстан мөселманнары Диния нәзарәте тарафыннан исә 2012 ел-Коръән елы дип игълан ителде. Әлеге карар Коръән китабының 225 еллык басылу юбилее уңаеннан кабул ителгән. Билгеле булганча, беренче басма китап Екатерина II боерыгы белән 1787 елда татар дин әһелләре ярдәмендә төзелә.