Юристлар кабул итте

Россиянең юристлар ассоциациясе белән берлектә "Бердәм Россия" партиясе тарафыннан игълан ителгән халыкка түләүсез юридик хезмәт күрсәтү проектын тормышка ашыру максатында 22 мартта муниципаль район Башкарма комитеты бинасының "Бердәм Россия" партиясенең җирле бүлеге бүлмәсендә иртәнге 8.00 сәгатьтән алып 10.00 сәгатькә кадәр нотариус Дилә Хәйретдинова халыкка түләүсез консультация бирде. 10.00 сәгатьтән 12.00 сәгатькә кадәр исә халыкны нотариус Ольга Абрамова кабул итте. Кабул итүгә килүчеләр нотариусларга саклык банкындагы акчалар, мирас, сату-сатып алу килешүе мәсьәләләре белән мөрәҗәгать итеп, сорауларына җаваплар алдылар. Әлеге кабул итүләрнең төп максаты да бит гражданнарны борчыган сорауларга җавап бирү иде.