Чүпрәледә республика һәм район оешу көне уңаеннан чаралар узачак

Бу көнне Кече Чынлы һәм Алешкин-Саплык авылларында яңа спорт мәйданчыкларының тантаналы ачылышы булачак. Авыл җирлекләрендә тигез, тату гомер кичерүче, хөрмәткә ия гаилә парлары "Ачык һава астындагы" музейда район башлыгы Александр Шадриков белән очрашуда катнашачак. Сәйфихан Нәфиев урамы буенча урнашкан Чыгарылышлылар паркында яңа скульптураның тантаналы ачылышы булачак. Кичке якта исә район мәдәният йортында райондашларыбыз игътибарына бәйрәм концерты тәкъдим ителәчәк.