Кече Шәйморза-Димин авылында өлкәннәр көне үтте

Кичә Кече Шәйморза-Димин авылында үтте. Авылга барасы юл зират аша үтә. Биредә якташыбыз, Татарстанның халык артисты Габдулла Рәхимкулов җирләнгән. Аның каберенә кереп, без догалар кылып, чәчәкләр куйдык.

Димин авылы мәдәният йортында өлкәннәргә зур чарадан тыш, мул табын да әзерләнгән иде. Биредә гомер кичерүче халык сәнгать җанлы, активлар. Бәйрәмдә дә алар мөнәҗәтләр әйтеп, җырлар-биюләр бүләк иттеләр. Иске Шәйморза авылыннан мәдәният йорты директоры Тәлгать Җәббаров һәм "Сөмбелә" ансамбле дә үзенең җырлы-биюле чыгышлары белән өлкәннәр күңелен дәртләндерде. Рәхмәтләрен әйтә-әйтә һәркем биеп, күңелле ял итте.