“Изгелекле телефон”

Безнең районда бөтенләй ялгыз, ягъни караучысы булмаган 292 өлкән кеше яши. Акция кысаларында ялгыз яшәүчеләргә биреләчәк телефоннарда "Ашыгыч ярдәм", "Полиция" кебек службаларга шалтырату өчен төймәләр көйләнгән. "Мегафон" элемтә операторына тоташтырылган әлеге бер телефонның якынча бәясе 2000 сум. Изгелек акциясенә катнашырга чакырган мөрәҗәгатьне күп кенә оешма, предприятие коллективлары теләктәшлек күрсәтеп кабул иттеләр. Бер көнлек хезмәт хакларын тиешле счетларга күчерү дәвам итә.