БДИга кертелү өчен инша һәм изложениене Чүпрәле чыгарылышлылары әйбәт язган

Район мәгариф бүлеге хәбәр итүенчә, Чүпрәледә бу көнне 183 чыгарылыш сыйныф укучысы инша язган, 3 укучы изложение төрен сайлаган, 1 укучы сәламәтлеге буенча чарада катнаша алмаган, ул 4 февральдә язачак. Республика буенча инша язганнарның 163 е аның буенча зачет бирә алмаган, изложение язучылар арасында мондыйлар 6 укучы булган. Район чыгарылышлылары арасында балл җыя алмаучылар юк. Исегезгә төшерәбез, әлеге төр инша һәм изложение язу мәҗбүри санала.