Һөнәр сайлавы җиңелме?

Әлеге ханым мәктәпне тәмамлаучылар алдында килеп баскан һөнәр сайлау мәсьәләсе буенча бик тәҗрибәле психологларның берсе. Укучылар белән очрашу барышында Татьяна Владимировна һөнәр сайлауның һәрбер кеше өчен ни дәрәҗәдә мөһимлеген аңлатты. Иң беренче итеп, аның күңелгә ятышлы булуыннан, кызыксыну тудыруыннан чыгып сайлануын билгеләргә кирәк диде. Аннан соң, сайлаган һөнәрең хезмәт базарында ни дәрәҗәдә кирәк булуын да билгеләргә кирәклеген ассызыклады.

Очрашуның икенче өлешендә Татьяна Владимировна һәр укучының нинди төр һөнәр вәкиле булуын ачыклау максатыннан психологик тест үткәрде.