Иске Чүпрәле авылы мәчетендә “Мин пәйгамбәребезне яратам” акциясе узды

-Чара Татарстан мөселманнарын берләштереп, Пәйгамбәребез Мөхәммәдкә (с.г.в.) карата хөрмәт һәм ярату хисен күрсәтү, Пәйгамбәрләрне сурәтләгән карикатураларга ризасызлык белдерү максатыннын оештырылды,- ди Чүпрәле районы мөхтәсибе Рөстәм Рәкыйпов. Аннан соң ул мәчеткә килүчеләргә Пәйгамбәребезне (с.г.в.) олылау һәм ярату сүзләре язылган махсус күкрәк билгеләре таратты. "Пәйгамбәребез Мөхәммәд салләллаһу галәйһиссәләмнең тормыш юлын, аның гамәлләрен өйрәнү һәркайсыбызга кирәк. Без, мөселман Пәйгамбәребез тормышына үрнәк буларак карыйбыз һәм явызлыкка да яхшылык белән җавап кайтарырга тырышабыз.

Аллаһка инанучыларның күңелләрендәге Пәйгамбәребезгә карата мәхәббәт хисләрен күрсәтү акциянең төп максаты итеп куелсын иде,- диделәр мәчет картлары.

Шунысы куанычлы, элеккеге хезмәттәшебез Сания Шәрәпова "Дин вә мәгыйшәт" нең ноябрь аенда Мәүлид бәйрәме уңаеннан Пәйгамбәребез Мөхәммәд салләллаһу галәйһи үә сәлләмгә багышланган шигырьләр конкурсында җиңү яулады.