Чүпрәле үзәк хастаханәсенең бала тудыру бүлегендә 2014 елның беренче баласы- малай дөньяга килде

Малайның әнисе Татьяна Сибгатуллина үзен әйбәт хис итә, әлегә исем турында уйламаган. Авырлыгы ике килограмм 930 грамм , буе 54 см лык әлеге бала Убида яшәүче Сибгатуллиннар гаиләсендә икенче малай. Дөрес, кыз бала көткәннәр анысы...

-Әнисе дә, бала үзләрен бик әйбәт хис итәләр,-ди акушер Гүзәл Хөснетдинова һәм шаярта:-Яңа елда беренче бала бик ашыгып туарга ашыкмады, шулай да менә иске Яңа елга бу бик куанычлы бүләк булды.

Сүз уңаеннан, chuprale-online.ru сайтында алып барган 2014 елда беренче кем туачак дигән сораштыруда катнашкан 109 кешенең 65 проценты малай, ә 45 проценты кыз бала өчен тавыш биргән иде. Димәк, күзаллауларчылар ялгышмадылар булып чыкты.