"Ана капиталы" сертификатлары район ЗАГС бүлегендә тантаналы шартларда тапшырылды

Район башлыгы Александр Шадриков тормыш авырлыкларын сәбәп итми, дөньяга яңа тормыш, гомер бүләк иткән әниләргә хөрмәт һәм олылау сүзләрен белдерде.

-Кызганыч, бүген күпчелек яшь гаиләләр, нигездә бер яки ике бала белән чикләнә. Әлеге күренеш башкачарак төсмер алып, районыбызда балаларның тагын да күбрәк тууын, ә әти-әниләренә балаларын тәрбияләп үстергәндә исәнлек телисе килә,- диде ул чыгышында.

Район пенсия фонды идарәсе җитәкчесе Ирфан Вәлиуллов исә "Ана капиталы" сертификатының күләмен һәм нинди юнәлешләрдә кулланып булу тәртибен аңлатып үтте. 2014 елдан "Ана капиталы" 429408 сумны тәшкил итә.