Туган Як
  • Рус Тат
  • Сак булыгыз! Кызыл машинада караклар йөри

    24 август көнне, кичке бишләр тирәсендә, Зур Чынлы авылының Вахитов урамындагы 10 нчы йорт янына "ВАЗ-2105" маркалы кызыл автомобиль килеп туктый.

    Машинадан чыккан хатын-кыз үзенең исемен Давирова (Даирова) Назирә (Назибә) итеп таныта. Аның белән 5-6 яшьлек "Руслан" яисә "Рөстәм" исемле бала да була. Ә автомашинаны 40-45 яшьләрдәге кара чәчле, мыеклы һәм тыгыз гәүдәле ир-ат идарә итә. 87 яшьлек Гөлсем Хаярованың өенә дә әлеге 35-40 яшьләрдәге акчыл чәчле, ябыграк гәүдәле, рус һәм татар телләрендә иркен аралашучы, "без янган идек, зинһар ярдәм итегез!" дип ярдәм сорап, бик тиз кешеләрнең ышанычын яулый торган хатын-кыз керә һәм бишәр мең сумлык ике купюр акчаны чәлдереп чыга.

    -Әлеге каракларның хәзер дә район территориясендә үзләренә яңа корбаннар эзләүләре мөмкин. Алар турында берәр төрле мәгълүматлы кешеләрнең РФ Эчке эшләр министрлыгының Чүпрәле районы буенча бүлегенә 2-27-44 яисә 89274265705, 89270399937 номерлы кәрәзле телефоннарга шалтыратып хәбәр итүләрен сорыйбыз,-ди җинаятьчеләрне эзләү бүлеге хезмәткәре Әмир Ахмедов.

    Нравится
    Поделиться:
    Реклама
    Комментарии (0)
    Осталось символов: