Агымдагы елның 1 сентябреннән юл хәрәкәте кагыйдәләрен бозучыларга карата закон тагын да катгыйланды.
Әлбәттә инде, җәзаның иң катысы исерек килеш руль артына утыручыларга туры килә. Хәзер андыйларны элеккечә 15 тәүлеккә утыртмыйлар, ә 30 мең сум штраф түләттерәчәкләр. Тагын шунысы да бар, суд карары буенча 1,5 елдан 2 елга кадәр "права" дан да колак кагу карала. "Яңа закон гамәлгә кергән көннән соң 5 автомобильчене исерек хәлдә тоткарладык. Ә берсенең "права"сы моңарчы ук, рульдә исерек булганы өчен, суд тарафыннан алынган иде",-ди автоинспектор Айрат Хуҗиев.
Иң мөһим һәм кызыклы язмаларны Татмедиа Telegram-каналында укыгыз
