Чүпрәлеләр ил белән бергә йөгерде
"Татарстан кроссы- 2017" дип аталган спорт бәйрәмендә быел 600 артык чүпрәлеле катнашты. Ике километрлы арада үз көчен сынап карарга теләүчеләр арасында ун яшьтән алып алтмыш яшькәчә райондашыбыз бар иде. Кросста катнашучыларны күреп, чынлап та, спорт яшькә карамый икән, дип уйлап куясың. Әлеге бәйрәм кысаларында авыл җирлекләрендә дә шундый чаралар узды.
