Шланга авылында яшәүче Мөхарәмов Гильман Имаметдин улына 50 яшь

Шланга авылында туып-үсеп, шунда яшәүче Мөхарәмов Гильман Имаметдин улына 8 октябрьдә 50 яшь тула.

Кадерле яраткан тормыш иптәшем, сөекле әтиебез! Йөрәктәге иң җылы, иң изге хисләребезне җиткереп, истәлекле бәйрәмең-юбилеең белән ихлас котлыйбыз. Сиңа нык исәнлек, күңел тынычлыгы, гаилә шатлыгы, кайгы-хәсрәтсез көннәр телибез.

Җир йөзенең бөтен матурлыгын,

Килә сиңа бүләк итәсе.

Дөньядагы иң матур сүзләрнең,

Иң җылысын сиңа әйтәсе.

Рәхәт яшә җирдә, бәхетле бул,

Кайгы-хәсрәтләргә юлыкма.

Һәрвакытта сине аңлый торган,

Якыннарың барын онытма.

Иң изге теләкләр белән: тормыш иптәшең Гөлнара, балаларың Лилия-Алмаз, Гомәр, Ильнара, Диана, оныгың Дияз.