Иске Шәйморза авылында яшәүче Венера Нурмөхаммәт кызының юбилее
Иске Шәйморза авылында яшәүче, кадерле әниебез, Байбулатова Венера Нурмөхаммәт кызының 29 ноябрьдә олы юбилее. Әниебез гомеренең 40 елын балаларга белем бирүгә багышлаган ветеран-укытучы.
Кадерле әниебез! Сине олуг юбилеең белән ихлас күңелдән кайнар котлыйбыз.Синең шундый киң күңелле, түземле, сабыр булуыңа сокланабыз.
Сизелмичә узган озын юлда
Үрелгәндер бергә шатлык-сагыш.
Намус белән үткән гомереңдә
Булмагандыр, әни, һичбер ялгыш.
Матур итеп гомер итәсең син,
Дус-туганның кадерләрен белеп.
Язмыш сынавына бирешмичә,
Яшисең син елмаеп һәм көлеп.
Төрле чакны күрдең, әни,
Йөрәгеңдә күптер яра да.
Киңәшчебез, терәгебез булып
Озак яшә безнең арада!
Әни! Сиңа исәнлек-саулык, бәхетле тыныч картлык теләп, синең якты йөзең, күркәм холкың, Җир - Ананың үзе кебек сабырлыгың алдында башыбызны иябез.
Шулай ук якын көннәрдә булачак туган көне белән әтиебезне дә котлыйбыз. Әти! Сиңа озын гомер, шатлык-куанычлар, әниебез белән тигез, бәхетле тормыш телибез.
Изге теләкләр белән: балаларың.
Нет комментариев