Иске Чүпрәледә яшәүче Низамов Ринат Фатих улының юбилее

Иске Чүпрәледә яшәүче әтиебез Низамов Ринат Фатих улы 5 августта 75 яшьлек юбилеен билгеләп үтә.

Кадерле әтиебез! Сине 75 яшь тулу уңае белән кайнар котлыйбыз. Безне аякка бастырып, олы юлга чыгарганчы әни белән сиңа күп сынаулар үтәргә туры килгәндер. Әниебез белән безне кадерләп үстереп, үз юлыбызга аяк басарга булышканың, яратып-сөеп аталарча кайгыртканың, гаделлектә өйрәткәнең өчен зур рәхмәт сиңа, әти. Без барыбыз да тормышта үз юлыбыз таптык, сезнең йөзгә кызыллык китермәскә тырыштык. Сез, әни белән, һәрчак олы җанлы, киң күңелле кеше булдыгыз. Рәхмәт сезгә!

Сезгә исәнлек-саулык, җан тынычлыгы, озын гомер, ак бәхетләр телибез. Картлык көннәрегез бары тик шатлыкта гына үтсен.

Иң изге теләкләр теләп: балаларыгыз, киленнәрегез, киявегез, оныкларыгыз.